انا ولا اهلك!!

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف ده هتقول ايه؟؟؟
ويا ترى راى الشباب فى الموضوع ده ايه برضه

منتظر ردكم علي السؤال

طبعا فى كل الاحوال هختار اهلى

لان انا لو مش ليا خير فى اهلى
مش هيبقى ليا خير فى اى حد تانى

عندك حق هموسه

لو اي انسان ملوش خير فى اهله اللى طبعا علموه وكبروه وهمه اكتر

حد فى الدنيا دي يهمهم مصلحته وانه يبقى احسن حد فى الدنيا دي كلها

وبعد ده كله يسيبهم ويفرط فيهم بسهوله كدا يبقى مش هيبقى ليه خير فى اي حد تانى

تشرفت بمروك هموسه

وانا معاكم طبعا لان الاهل بيبقى كمان ليهم نظرة احنا مش بنقدر نشوفها عشان الحب اعمى

صح حسني وعلى راي المثل مراية الحب عاميه

بمعنى ان الانسان اللى بيحب مش بيشوف فى اللى بيحبه غير كل حاجه حلوه

ومش بيشوف عيوبه ودايما هو عنده احسن الناس لكن الاهل زي مبيقول حسنى بيبقى ليهم نظره

فى الشخص ده سواء كان مناسب او مش مناسب

تشرفت بمرورك حسنى