بقينا عرايس ماريونيت ؟؟؟

السلام عليكم

صباح / مساء الخير حسب التوقيت المحلى

دلوقتي انتو بتقولو ان البنت بتتشرط على العريس او عن الولد الي هيا عايزه ترتبط بيه

طيب انا هحكلكم حكايه حصلت مع وحده اعرفها وانتو احكمو

يلا نبدء

البنت دي عايشه في مجتمع مغلق حبتين وبالتالي لما هاتتجوز هاتتجوز جواز تقليدي يعني ولا حب ولا اي حاجه من دي

جت في يوم بتقولي الحقي يادودو جالي عريس انا طبعا معرفتش ارد واقولها اييه بس شوفو ام العريس لما جت تشوف عروسه بنها عملت اييه والله مش بكدب والحكايه حقيقيه

جت الام طبعا شعرها منكوش واسنانها مكسره قلنا عادي الجمال جمال الروح

دخلت البنت على ام العريس بدئت ام العريس تقول قائمه طلبتها

1- شعرك ده طبيعي ولا سشوار
البنت خافت قالتها لا طبيعي ليه بتسألي قالتلها الام لاننا قبل كده رحنا نخطب بنت طلعت عامله فرد دائم لشعرها

يلا عدناها للست دي

2- انتي بتلبسي نظارات

البنت لا ليه بسألي
الام اصل احنا رحنا نتقدم لبنت قبل كده وقالت انها مش بتلبس نظارات ( نظرها مش ضعيف) وبعدين اكتشفنا ان العيلتها كلها بيلبسو نظارات

يارب الهمنا الصبر

3- انتي بتعملي حواجبك
البنت لا

الام احسن بردو

4 - انتي بتخرجي كتير
البنت لا
الام احسن بردو اصلك لما تتجوزي ابني مش هاتخرجي كتيير بس للضروره

وطبعا لقائمه الطالبات بقيه بس مش عايزه اطول عليكم

راحت البنت اتعصبت وقالت للست انتي بتتأمري على اييه هوا حد قالك اني اصلا هقبل بأبنك ده انا مش عايزه اتجوز وعقدو البنت المسكينه

بعد ده كلو اييه رايكم مش كأنهم رايحين يشترو لعبه ولا ريحين يشترو خدامه لمدى الحياه لاترى لاتسمع لاتتكلم؟؟؟

اولا واضح كدا من كلامك ان الست دي وإبنها راحو لبنات كتير قبل كدا

واكيد الناس رفضوهم لنفس الاسباب يعني انهم بيتحكمو من اولها كدا

واضح ان الست والدة العريس دي كبيره في السن يعني عايشه في زمن غير الزمن

يعني زمن (الحموات الفاتنات )والجو ده

بس الناس دي مش بقت موجوده كتير اليومين دول يعني مش في داعي ان قريبتك دي تتعقد

تحاولو تفهموها انى لكل قاعده شواز وان الناس دول مش الاساس

وعلى فكره عمرنا مهنكون سلعه تباع وتشترى او اننا نكون مجرد خدمات لان الدنيا اتغيرت وكمان دينا مكرم المرأه جدا

ولها قدرها وشأنها وشخصيتها التي تميزها عن غيرها

وطبعا تصرف البنت ده هو التصرف السليم بمعنى انها مكنش ينفع توافق على الشخص ده

يعني من الاول وبيعملو كدا طيب بعد الجواز هيكون ايه الموقف

الحمد لله انها خرجت من الموضوع ده على خير

تقبلي مروري

اولا هبدء كلامى بالتحيه موضوعك مهم يا اميره وثانيا زى مقولتى انتو عمركو مكونتو سلعه تباع وتشترى ودا ميمنعش ان الست ام العريس مارى هانم منيب استخدمت احط اساليب التعارف وهو التعارف على جسد فانى ونسيت ان هناك ماهو اهم من الجسد الا وهى الروح واخيرا اطمئنى ليست كل الحموات مارى منيب وطمنى العروس ان الدنيا لسه بخير وتقبلى مرورى

شيمو شكرا على مرورك وطرحك الرائع

مودى سعيدة جدا لمرورك الرائع فى صفحتى المتواضعة